A tempada de verán vai collendo ritmo e os nosos nadadores e nadadoras máis veteranos xa teñen fixada no calendario a súa cita máis importante a nivel nacional. A Real Federación Española de Natación (RFEN) vén de publicar a normativa oficial para o XXXVI Campionato de España “Open” de Verán de Natación Máster, correspondente á tempada 2025/2026.

Este gran evento deportivo reunirá aos mellores nadadores máis de todo o país nunha fin de semana que promete emoción, superación e o mellor ambiente deportivo.

Datos clave do campionato:

• 📅 Datas: Do 2 ao 5 de xullo de 2026.

• 📍 Lugar: Logroño.

• 🏊‍♂️ Instalación: Piscina do CDM “Las Norias” (Piscina de 50 metros e 10 rúas).

A competición contará con categorías que van desde os Pre-Máster (20-24 anos) ata as categorías de maior idade, disputándose en catro intensas xornadas de xoves a domingo.

CONVOCATORIA NADADORES

Recomendamos a todos os nadadores revisar polo miúdo o programa de probas, as marcas mínimas esixidas (especialmente para as probas de fondo de 400m Libre e 400m Estilos) e o resto de detalles técnicos na ligazón directa ao documento oficial da RFEN:

👉 WEB Oficial do Campionato de España Máster

Desde o Club Natación Ferrol xa estamos encantados de que a nosa representación máster brille con luz propia en Logroño. Toca dar o último empurrón aos adestramentos!

Moito ánimo coa preparación e a por todas, sabedes que sempre sodes #orgullocnf 💙🏊‍♂️